【独家】读书时期扮「直」最痛苦　小肥出柜自爆曾想到葡国结婚

44岁小肥（徐智勇）日前于陈志云主持的网台节目《Stephen．倾》中出柜，谈到秘密埋藏心底多年，直到2017年制作专辑《睡前服》时，向监制康家俊承诺会公开性取向，但前提要等外界问到先讲，他解释：「我又唔系边个，自己出嚟讲会俾人觉得抽水。」小肥称曾考虑与拍拖10年的同性密友结婚，最终未能修成正果，现役男友是台湾人，拍拖近1年！撰文：黎宝伦　摄影：李维隆　发型：Bowie Lo ＆Terry @Admix hairstyling　场地：The Grill Room　鸣谢:Barry@巧松啲

早于2014年，小肥因于微博关注多位大只男而遭网民质疑性取向，当时他激动否认：「我唔系基，但唔歧视同性恋。」不过事隔6年，在上周播出的网台节目《Stephen．倾》中，小肥终于承认同志身份！对于过去一直难以启齿，他坦言最担心不知怎去面对一班「直Friend」，至于如何向家人交代，小肥笑谓：「屋企人都知知哋，上一个ex同屋企人都好熟，大家都好锺意见到佢，好开心。（有探口风？）冇，反而有时啲疏堂亲戚问我几时结婚，我以为好多人都知我性取向，但竟然有人问，哈哈！」

同旧爱仍然好Friend
回想过去，由恐惧、讨厌自己到28岁确定「某啲嘢」，小肥直言中学、大学时期在朋辈间扮「直」最痛苦，后来透过台湾网站认识同路人，有了倾诉对象才豁然开朗，当时仲识到首任同性密友。小肥自爆去年10月已觅得新欢，对方是由朋友介绍的台湾人，问到对婚姻有否憧憬？小肥说：「上一个已经有谂过，因为我揸葡国护照，嗰时随口话去葡国结婚，佢又可以入籍，但佢Say no！（艺人身份致分手？）第一任就系，啱啱入行乜都惊，交通工具都唔敢搭，令佢觉得拍拖都唔出得街；同上一个分开就可能系升华到太亲人嘅关系，亦都可能有好多因素，但我哋仍然好Friend。」问到会否视现任为结婚对象？他表示也可以，但需要再相处吓先，又希望疫情快过可跟另一半见面。