【又放闪】揽住前世小情人好陶醉　黄泽锋晒同囡囡冧爆合照

成日都话囡囡系爸爸前世情人，老来得女嘅黄泽锋对于呢个「小情人」当然份外冧，睇太太陈丽丽贴出佢同囡囡熙恩（小黄妃）嘅合照，两父女揽住个冧到爆嘅样，真系完全配切合晒呢句说话，丽丽留言：「#好陶醉#甜蜜蜜#与情人有约#放闪一下#散散闷气#小黄妃出巡啦#愉景湾一日游」丽丽仲爆料，囡囡好识得拣人扭计，会特别嗲爸爸，因为泽锋会有求必应，咁小黄妃愈大愈得意精灵，唔锡佢仲可以锡边个先！