芷晴亲手整蛋糕庆祝59岁生日　黄日华于自制梁洁华画作前留影

噚日（9月4日）系华哥黄日华59岁生日，囡囡芷晴当然有亲手整咗生日蛋糕同爸爸庆祝，仲要系华哥至爱嘅足球做主题，睇芷晴Post嘅相中华哥嘅笑容就知佢相当满意啦！芷晴仲留言向爸爸送祝福，「生日快乐，身体健康，开开心心！#墙上是他的作品」原来华哥影相后面嘅墙，挂住佢与亡妻梁洁华嘅合照和靓相制成嘅画作，相当有心思，虽然今年太太不能陪喺身边一齐庆祝生日，但喺华哥心入面太太一直冇离开过。