【独家】公开性史唔等于随便　林钰洧有性洁癖拒玩一夜情

拥43寸长腿的林俊贤女儿林钰洧（Denice）近日于ViuTV节目《对号入座》大谈性史，获网民封为「新一代性女」，但同时也被轰太奔放！Denice表示无奈：「我只系分享自身经验，唔系我好锺意、好沉迷呢样嘢罗！」又澄清拍拖与性经验不多，在性方面都有「洁癖」，故绝不接受One Night Stand，至于择偶是否看重Sex Skills？节目中甚「回味」旧爱惊人床牀技的她说：「佢犀利啫，唔等于我Enjoy。」撰文：黎宝伦　摄影：谭壹致　场地：城寨风味　鸣谢：Barry@巧松啲

现年25岁的林钰洧早前在《对》语出惊人，自爆曾与「天蝎男」牀战玩到翻天覆地流晒汗，不过见她讲到眉飞色舞，有网民就抨击她不知廉耻。事实上，在英国长大的Denice却很传统保守，她自言不是随便的女仔，「其实我拍拖同性经验都算少，交往过5个男朋友，我唔会约交友App啲人出嚟，拍咗拖先会有嗰样嘢发生，试过最快都两个月先做。（一夜情呢？）唔得！我觉得好污糟。虽然我接受能力好高，但Sex方面一定要好乾净。（即唔接受另一半偷食？）系！」

对星二代称呼感奇怪
面对批评，非常健谈的Denice则坚持继续讲，更获父亲支持，「佢觉得冇乜嘢，叫我继续大方去讲。」谈到林俊贤在内地开设制作公司，问会否叫爸爸开戏捧自己？15岁才于FB跟父亲相认的她说：「我哋关系好奇妙，好耐唔见靠Wechat沟通，如果佢开戏，我都会好似其他演员去Cast，唔会就咁畀我，我都Appreciate嘅，因为我胜任唔到份工作，都会觉得对佢唔住。（羡慕其他星二代有父母指导？）对我嚟讲呢个称号有啲得意，因为爸爸冇陪我大，忽然被冠上呢个称号，好似又要顾埋佢声誉。其实佢教唔教我唔紧要，我觉得自己去闯、去发掘行边条路，总好过佢畀条路我。」