新歌自揭双面性格 雷深如爆愿意成为Play Boy猎物
2020-08-18 10:00 
雷深如（J.Arie）日前作客TVB娱乐新闻台节目《StarTalk》，接受主播许文轩专访，大谈离开大型唱片公司后，转型做独立歌手感受。J.Arie说：「今次呢首歌《双面哈菲》系畀林家栋激发而创作，自从7年前拍摄由佢监制嘅电影之后，同佢建立咗深厚关系，每次出歌都会畀佢听，但每次都俾佢话我扮晒嘢，啲歌唔系最真实嘅我，系佢叫我抛开枷锁，叫我唔好卖玉女形象，但我一直做唔到。直至到上年年尾我写咗一本诚实豆沙包日记，写咗里面好多我自己嘅真实故事同歪理，我跳返出嚟睇里面嘅内容，发觉自己真系有两面，有啲精神病，所以创作《双面哈菲》都可以话好真实。（日记里面写咗乜嘢咁歪理？）本日记唔可以畀其他人睇，太邪恶！里面我写过一句：我好愿意成为PlayBoy嘅猎物！系咪好痴线呢！」
J.Arie为新歌MV落手落脚，「不论个MVConcept、剪片，甚至道具都系自己搵同亲自搬过去拍摄场地，好似屋企有张旧床褥，系我自己抬过去Studio，里面啲铁架都系我自己喷颜色。」被问到MV题材大胆，她解释：「构思同拍嗰时冇考量太多，个MV想有啲负面、惊栗片感觉，我俾咗我爸爸妈妈睇，吓亲佢哋，佢哋话好惊，问我使唔使咁癫，𠵱家要特登剪辑另外一个版本提供畀电视台播放！」
關鍵字
最新回应