【独家访问足本版】撕破「花心So」好性真面目　炮友索妈Macy无悔偷嗒人夫

前商台DJ苏耀宗（细So）惊爆背妻偷食KOL「阿B」两年半，前晚35岁的「靓妈KOL」练美施（Macy）向传媒亲认是偷食女主角，仲大爆细So要求帮手呃苏太陈颖楠（阿Wing）成年冇见又冇租过炮房，她痛斥对方从来冇讲真话承担责任，又暗示自己曾为细So做人工流产手术。以为「毁灭式」爆料就此结束？No！事后Macy接受本报独家访问时，继续揭开「花心So」真面目！

谈到两人展开恋情的经过，Macy透露在正式拍拖前的几个月，细So开始Like及Follow她的社交平台，当时她亦有向朋友讲笑称「觉得好奇怪」。问到细So做了哪件事觉得最感动而决定一齐？她仅答太多，未有详细交代。那么认识前对细So的印象如何？她直言：「无咩印象，但身边有朋友认识，有提醒过我。（提醒你咩？）佢嘅过往。（花心？）嗯。」

追问细So是否贪新厌旧？Macy续道：「只可以话当我发现HPV，佢坦白承认佢同我一齐之前同之前自己主持嘅节目一个参赛者有发生过，但同一时间其实我都喺另一啲人口中听到同一件事，Plus其实再早之前已经都听过其他，不过觉得佢坦白咗，觉得佢系想认真交往。（明知佢花心又有老婆仲开始？）因为觉得佢系认真，佢坦白承认，觉得佢会为自己改。（细So朋友知道你存在？）佢话佢无同人讲，所以我唔知。」

对于被外界批评有家庭仍出轨，问可觉得自己不对？Macy直言：「我有错，以为只要有个人肯陪伴自己就够，亦都会系因为呢样嘢我接受咗对方嘅爱，只系希望简简单单相处就足够，并未曾要求对方作任何承诺，亦有同对方坦言，明白如果走在一起，就并不会走得远，因为心里面好清楚对方，Day 1已经知道唔会『一齐』，但觉得有人陪自己扶持就够。」

可有后悔跟细So开始这段关系？她说：「如果你讲系我同佢之间嘅相爱，我无后悔一切牺牲同付出，因为真心，真心希望我会系佢口中讲嘅『佢唯一嘅快乐』，就算后来我知道好多都只系可能氹我嘅说话，但爱一个人，就系要相信佢。佢话过，从来无呃过我，讲每一句说话都系真，我信，我唔会用后悔形容。（影响两个家庭都无悔？）唔系无错，我家庭方面一路都处理紧，佢无介入。」有否想过离婚跟细So在一起？她又坦承：「想像过，但我知道一齐咗我只会成为下一个她，所以觉得唔一齐系最好，唔想佢要负呢个责任。」

至于想跟苏太陈颖楠（阿Wing）说甚么？Macy答：「对不起，最后事情发展去到呢一刻当然会觉得内疚，感到抱歉。」提到联络阿Wing，要求对方劝吁细So放手，Macy指对方仅「已读不回」，并将短讯转发给细So，问可有考虑到此举会伤害到阿Wing？她说：「有，但我已经无办法，因为我知道我点封So都会搵到我。我当时自己已经处理唔到我自己嘅情绪病，只有呢个方法，因为我唔覆佢佢都会Message我．讲分开同冷静佢都唔肯。（因堕胎引发情绪问题？）唔回应。」