【激减10磅】着三岁囝囝衫孙慧雪big到心口图案变晒形

2020-08-19 12:00

现年38岁的「人妻」孙慧雪，婚后育有可爱囝囝Riley，又有老公爱锡，自然有「幸福肥」。但，即使做咗师奶都爱靓，雪雪的起心肝尝试以半生酮饮食方法减肥，结果一个月激减瘦10磅，连3岁囝囝嘅衣服都着得上！最重要系，33C「魔鬼身材」仍然保得住，葫芦身材弗到漏。

昨晚她喺社交网分享成果，相中她穿了Riley嘅tee，大晒小纤腰，不过上围就明显迫爆，连图案都big到变咗形！她并留言︰「减肥嘅其中一个好处，就系可以同个仔share衫著(着)，年中都悭唔少！！#减肥好处多#有冇妈妈同我一样#攞个仔啲衫著#一起加油」，唔网民表示惊讶，取笑她小心整烂囝囝件衫、心口好大、喷鼻血…连节目《姊妹淘》拍档庄思敏也留言说孙慧雪「太过份」。亦有唔少粉丝大赞她仍然系女神，人人嘅女神！

原来孙慧雪产后体重试过升至147磅，最后努力节食与运动，体重回落约120磅。孙慧雪减肥期间要大量减掉淀粉，以蛋白质为主，配上大量蔬菜。晚餐时会多吃海鲜，偶尔也会煎牛排和鸡柳，同时戒甜，唔食高糖分水果。