【多灾多难】厕所玻璃幕门忽然自爆　孙慧雪揭屋企疑有「古怪嘢」

「古」有「大文豪」周柏豪打碎玻璃杯晒潮文，今有索人妻孙慧雪（阿雪）爆厕所玻璃门，但她却未有如前者般撰写感性短文，或用15分钟去欣赏碎玻璃的美态，只系贴出满地玻璃碎的照片，并留言：「多灾多难⋯⋯继上次客厕热水炉爆水、然后到主厕爆水，两次都爆到瀑布咁，今次最金，因为今次系玻璃瀑布，成个玻璃幕门爆咗，姐姐成手血，我哋成脚血」又Hashtag「希望明天会更好」、「早抖」，一众网民睇见都好担心，好在阿雪表示无人受严重嘅伤，大家只系踩到啲玻璃粉，两岁囝囝Riley亦无事，仲话决定换走晒啲玻璃，转用胶门。

而对于有网民问她有冇拜四角，阿雪就忽然自爆原来屋企疑似有「古怪嘢」，她回覆：「其实我系基督徒，不过之前工人姐姐成日话见到嘢，屋企人为求安心，帮我搵咗位师傅上嚟睇，嗰位师傅话我厕所有啲嘢，哈哈，然后已经装咗长明灯。」另边厢，阿雪又喺IG发文报告爆玻璃件事，不过就比Facebook个Po多咗张「牀照」，有网民问她：「图一？系咪发错？」阿雪解释：「其实系唔想个IG面系爆玻璃张相。」