男友晒着松身衫合照　张纹嘉自爆被怀孕吓亲

张纹嘉（Crystal）早前与舞台剧演员男友林子杰（Ronald）拍摄ViuTV节目《调教你男友》，两个喺节目度讲感情事讲到爆喊，但Crystal承认跟Ronald拍完节目后，感情真系升华咗，早前Ronald仲亲自下厨帮佢庆祝34岁生日。呢日Crystal贴出同Ronald嘅温馨合照，仲大爆自己大肚疑云，佢留言话：「大家之前见到Ronald post那辑相，都以为我怀孕。令到我发恶梦自己真系有咗，继而吓醒左。这是同一辑相，同一天，同一件衫，同一个发型师。衣服和我身型的错.....」其实两人都已经同居，就算有埋BB又有几奇啫！话晒佢都34岁系时候计划吓啦！