自爆入隔离营有得着李君妍冇中招平安出关

2020-04-17 19:09

33C无綫小花李君妍（Aurora）因为同住家姐确诊新冠肺炎，作为紧密接触者被安排入住隔离营14天，直至日前(15号)没事可以「出关」，昨晚她戴住口罩接受《娱乐新闻报导》访问报平安，她说：「我已经完成咗隔离生活，返咗屋企喇，心情好开心，因为我已经14日冇见过屋企人，不过都有少少担心家姐嘅情况，佢都仲未出到院，所以希望佢可以尽快好番出院，出到嚟真真正正一家人团聚。」

由于她的家姐确诊前夕，李君妍如常返公司拍《姊妹淘》，累得跟她一齐录影《姊妹淘》的孙慧雪、蔡嘉欣亦进行测试和自我隔离，被网民闹爆她黑心。因此，她再次公开道歉：「我想再一次向受影响嘅朋友、同事、公司上上下下，讲多声非常唔好意思同抱歉，因为呢件事令大家担心咗好多，影响到大家嘅生活同情绪，希望大家继续身体健康，开开心心咁对抗呢个疫情，生活快啲回复正常。」

想尽快回复工作
她又分享喺隔离营其间的生活：「喺隔离时间有做运动、睇书、睇剧、睇戏、同朋友倾偈，其中一样好开心，我哋倾咗啲平时好少讨论嘅话题，就系人生课题，我喺营入面时间好多，多咗时间思考，沉淀咗好多，得到朋友鼓励、意见、支持，佢哋提醒咗我好多嘢，呢个系我喺营入面大得着。」

她还表示回家后第一时间为家居大清洁：「我换过晒啲床单被铺，衞生署真系好好，好快安排啲同事嚟我屋企，进行全屋消毒，但都怕有残馀物质。」至于具体工作安排未落实住，李君妍说：「最想多啲做运动回复最佳状态嚟迎接新工作。」