【有钱真好】老公有游艇得闲又出海 方媛完全冇抗疫疲劳
2020-08-18 15:30 
虽然早前郭富城老婆方媛(Moka)卷入「天王嫂训练营」风波，但完全冇影响城嫂嘅心情，更高调在社交网贴出全家贺佢33岁牛一嘅温馨照，城城更揽住老婆一齐做心心手势，以行动话畀大家知完全无视传闻。
有老公锡嘅城嫂好开心，所以又坐住老公嘅游艇出海，仲做埋直播分享快乐，着住白色吊带裙及紥住马尾嘅城嫂好白，白到反晒光，从手机角度睇，揸机嘅应该系城城，所以城嫂系咁摆甫士，做过内地𡃁模真系唔同啲，摆极都有。不过开得直播自然吸引好多口痕网友留言，有人话想做「古天乐老婆」同「彭于晏老婆」仲希望佢介绍。
其实城嫂好锺意海，唔系同老公出海就系出海同老友庆祝生日，就算香港疫情几严峻对佢都毫无影响，专家叫香港人尽量Stay Home，但城城有钱又有游艇，两公婆出海吹海风，抗疫疲劳?咩嚟㗎?
關鍵字
最新回应