【难忘生日】百年老树下打卡 王君馨望夫妻百年好合
2020-05-06 09:30 
昨日系人妻王君馨（Grace）的34岁生日，之前一班少妇好姊妹苟芸慧（苟姑娘）及李亚男为Grace预祝。至于正日梗系留返畀老公仔Danny啦，喺凌晨时分，Grace大放「闪光弹」，于社交网开心Share温馨靓相，还留言：「感谢我的唯一，今天与我共度美好的一天！拥抱和亲吻好吗？」
原来当日两公婆喺中环美利酒店撑枱脚，除了有美酒及佳肴外，着住Deep V碎花裙嘅Grace依偎住老公肩膊影相，一脸幸福笑容，两人更特地走到酒店旁边的百年古树打卡，手叠手，又砌出心形手势，sweet爆。她对本报记者说：「全港得两棵O.V.T.古树，因为有100岁，代表住百年好合，长长久久，呢个都系我哋嘅想法，所以生日愿望最希望家人、朋友身体健康，希望经过今次新冠病毒全球大流行，令大家更珍惜拥有嘅一切啦，亦希望上年拍落嘅《唐人街》、《失忆24小时》两个剧出街时反应好好，反而未有生B大计，因为喺我事业入面仲有好多嘢有新尝试，老公好支持我梦想，𠵱家未系时候，二人世界多啲先啦。」
關鍵字
最新回应