【首先你间屋要够大】屋企紥营加远足赏昆虫 陈茵媺为𠱁仔女谂爆头

因为新冠肺炎疫情反弹，陈豪一家原计划去酒店度假，而家当然冇得去。为怕仔女失望，有计阿妈陈茵媺即刻动动脑筋，三爬两拨就安抚到仔女。

陈太谂到由上周日开始喺屋企个厅紥营，为配合气氛，当然唔可以食屋企饭，陈太特别设计「露营食物」加户外远足。陈太表示：「谢天谢天，佢哋玩得好开心，暗地里我都一样！」

今日下画，陈太又喺IG分享同囝囝行山嘅相，佢话一家漫步大自然，呼吸新鲜空气同埋探索唔同品种嘅昆虫及植物。途中佢哋遇到两只巨型蜘蛛，又发现两个唔同品种嘅草蜢，陈太戴晒头盔，强调观察完昆虫必定会将佢哋放回大自然。佢又透露大仔Aiden 曾经诈型，「喺客厅露营唔包昆虫」，佢笑个仔错嘞！

陈太真系好有心思，见到都好想一齐玩，咁当然，首先你间屋要够大啦。