【独家】黎耀祥龚嘉欣狂打无替身《杀手》 监制强调唔会删李佳芯戏份
2020-07-12 23:18 
由黎耀祥（祥仔）与陈豪两大视帝主演，陈维冠监制嘅无綫新剧《杀手》已启播， 56岁的祥仔喺首集经已相当瞩目，除由头打到尾，仲有唔少火辣辣场口。至于傻气嘅贪钱单亲妈妈李佳芯(钱向茜)；铲晒青「癫癫哋」嘅龚嘉欣(NaNa)跟平日戏路反差好大，剧中好有发挥。陈维冠仲保证，李佳芯系女主角，戏份冇变过。采访：方骞平
虽然黎耀祥已变TVB部头艺员，但他依然落力，剧中有唔少丧跑同狂打场口，第一集仲有得揽啜低胸辣妹兼且头压女方胸口！陈监制大赞祥哥好尽力：「全剧佢同龚嘉欣打得最劲，佢哋都尽量唔用替身。除此之外，祥哥仲为咗呢套剧好辛苦咁操练6嚿腹肌，我睇住陈豪教佢点样食嘢Keep Fit，连佢老婆都要求佢Keep耐啲个Body，佢就耍手拧头话唔得，Keep唔到喇。」
龚嘉欣拍到喊
编审蔡婷婷指龚嘉欣向来角色系贤良淑德，好难将佢同神经质、凶狠拉上关系，今次完全唔同晒，陈监制对她要求好严格，拍前3个月先接受武打训练，要她打得又演得：「有日佢喺旺角同祥哥、樊亦敏拍外景，因为快天黑，唯独佢拍唔到我要求嘅表情，佢做极都做唔到，仲要驳嘴，所以我就闹佢，佢NG到喊。」至于李佳芯唔再卖靓样：「佢成日做有自信嘅专业人士，有啲闷喇！今次佢做到精灵之馀带啲傻气嘅师奶仔。」问到李佳芯有否受雪藏风波影响到戏份？陈维冠强调剧集剪好后交由公司安排，冇再删剪她戏份，仍然系第一女角。」
最新回应