【安安厨房】天时暑热食谱 余安安教整零失败醉鸡翼

因为抗疫Stay Home，好多艺人都变身厨神系咁整嘢食，中式西式日式，又甜品又焗面包，非常精彩。

余安安都好锺意喺IG Show厨艺，最新有适合天时暑热食用嘅冰冻醉鸡翼，究竟点整?安安姐无逐Part教你，佢只系show咗几张相，一张材料相，有鸡、杞子、冰糖、花雕、玫瑰露酒同糟卤，一张熟咗嘅鸡翼相，一张鸡翼浸住酒嘅相，同埋制成品相。

当你睇到成头黑人问号时，有网友忍唔住留言问点整?安安姐就回覆制法嘞。
调味：
花雕酒，酒糟，玫瑰露少少，（杞子浸软），冰糖（要先煮溶）
校啱自己嘅口味。

制作:
鸡翼一定要洗乾净，用水加盐浸半个钟，将啲血水浸晒出嚟。然后用最慢火煮佢20分钟，之后再用大火煮3分钟将佢逼熟。拎出嚟风乾就可以用之前预备好嘅「调味酒」浸过夜就得㗎啦。

制法非常简单，堪称零失败。