新剧《杀手》打到气咳黎耀祥有辣妹「补身」

2020-06-30 11:30

由黎耀祥（祥仔）与陈豪两大视帝主演，陈维冠监制的无綫新剧《杀手》昨晚启播，56岁的祥仔演出相当瞩目，虽然呢部剧已变咗TVB部头艺员合约，但他依然相当落力，除咗由头打到尾和唔少丧跑戏外，还有唔少香艳镜头，包括讲他喺台湾夜店揽啜低胸辣妹、摸pat、扫腿，兼且头压女方胸口，而离开时，两人喺的士车厢内重演「安心事件」，司机食住花生睇两人亲热。唔怪得黎耀祥老婆话怕尴尬，当日喺台湾都唔敢去现场探班啦！

剧情甫开场，讲人称阎王的杀手阎武(黎耀祥)奉命喺台湾杀死江湖大佬，祥仔轻轻松松就完成任务，杀完人仲继续搵女寻开心。镜头一转讲到十年后他家财散尽，生活潦倒要回港搵食，接一单有百万进帐的艰巨任务，点知被乔星(陈豪)利用。

而祥哥和一楼凤娴姐(江美仪)是恩客关系，美仪不时煲靓汤，又为阎武按摩，舒缓杀人后的伤患。而48岁江美仪著住黑色喱士内衣出场，身材丰满，突显线条，就算戏份唔算多都相当抢眼，吸引程度绝对唔逊于著住鱼网丝袜加deep v短裙仔嘅贪钱师奶仔钱向茜(李佳芯)。