【头条独家】 拣男友唔搵圈中人 卫诗雅嫌太易起清对象底

卫诗雅最近主演爱情小品电影《熟女爱漫游》，由于全片在日本取景，令诗雅拍得特别开心，更首度跟日本演员演对手戏，对唔识日文的她有一定难度。她演的女主角虽然跟拍拖多年的男友分手，但对爱情依然充满憧憬，但诗雅坦承自己比较实际，拣男友一定要叻过自己，仲话唔搵圈中人嫌容易起清对象个底，好难仰慕对方。采访：杜淑霞 发型：Wiltam@the salondelotus 化妆：Kayte Fung 服装：MAX&Co. 场地：The Stadium

由于电影走梦幻浪漫风格，造型已令诗雅相当兴奋，「开拍之前试造型，导演话可能要试两日，我心谂有咩可能要试咁耐？点知上到去以为自己去咗Boutique，因为佢哋差唔多准备咗成50套衫，而且好多都系走可爱路线，好Cute好少女又Colourful。」

在日本逗留一个月拍摄，令诗雅拍得份外开心，「每日都食好嘢，就算普通一个饭盒都超好味，搞到我肥咗，最惨我肥亲系肥块面先，差啲返嚟香港连唔到另一套戏。」讲到第一次同日本演员合作，虽然言语不通，但诗雅睇到他们好专业，不过演对手戏时就有一定难度，「我要背埋对手日文对白，咁样佢哋讲到边度，我先识得做适当反应。」



讲到诗雅演的「陶莎莎」好单纯，对爱情有好多憧憬，她就坦言自己对爱情比较实际，「我要搵个叻过自己嘅人，只要佢喺某方面叻过我就得，当然嗰样嘢我唔识，咁我就会更加仰慕佢，所以我唔会搵圈内人拍拖，因为我好容易起晒对方个底，唔会咁容易仰慕对方。」去年11月本报拍得她跟杨秀惠及沈卓盈的前男友麦伟汶（Ray）甜蜜行超巿，问到男方是否令她仰慕的新欢，她就拒绝回应话迟点才正式交待。