素颜演失恋颓废Look 卫诗雅顶唔顺凌乱场景想帮手执屋

卫诗雅（Michelle）在新片《熟女爱漫游》担任女主角，饰演29岁的轻熟女陶莎莎，是一名恋爱和旅游KOLs，为了将现代女性真实一面呈现，当中有几场戏Michelle都决定以素颜上阵，不过看回Play back都觉得好自然，话最紧要配合角色需要。
其中一场戏讲述即将踏入30岁人生关口前的陶莎莎，突然被拍拖13年的男友Paul（周俊伟饰演）提出分手，深受失恋打击的莎莎终日宅在家，3日3夜不出街、不打扮，只顾煲剧实行颓废到底，搞到好友Sabrina（林兆霞饰演）要搵上门，惊她接受不到失恋打击会自杀。

Michelle表示：「导演初头同我讲，其中一场戏会将我建立多年嘅靓女形象打破，会帮我打造一个最颓废嘅失恋Look示人，但我觉得做演员就唔会介意本身的形象，所以都叫导演放心搞，结果出嚟第一次定完妆都有少少吓亲自己，不过睇睇吓又觉得颓得嚟都不失可爱，所以都几Enjoy，因为平时真系无咩机会可以搞到自己咁颓，希望观众睇完都会锺意我呢个咁特别嘅发型！」
其实拍这场戏最难并非要接受这个Look，反而要适应一个极其混乱的拍摄场景，令Michelle最接受不了。她说：「由于我都系一个爱整洁嘅女孩子，当日去到拍摄现场真系吓一吓，因为个景真系设计到非常凌乱，所以排戏走位时要打醒12分精神，记清楚条路点行，惊正式Roll机时会跌倒，但最搞笑系我成日等埋位时会忍唔住想执屋，搞到导演叫我乖乖地瞓返系度当帮忙喎！」