【日日唔够瞓】凑龙凤胎攰到死　伍家谦搵前主播郑萃雯帮拖

伍家谦4月时荣升爸爸，太太谢丽萍帮他诞下龙凤胎思行和思齐，新手父母一凑又要凑两个，虽然有陪月帮手一样搞到手忙脚乱，当然间中都要搵人帮吓拖，继上次搵来星级拳击手曹星如出手后，今次就请得旧同事、前主播郑萃雯嚟做「兼职」。家谦留言：「姐姐要返九龙喇！我哋全家上下都好唔舍得佢。佢话因为要照顾自己对BB所以唔续约喎！诚意推介呢个本地完约姐姐，丰富凑孖B经验，流利广东话，识煮中餐，做嘢爽手兼老实，从未试过用我地址借钱，放假可放Weekday，保证做完合约先走。认真番，多谢@karen_n_twins姐姐嚟探佢哋，仲帮手喂咗餐添。(下次如果可以喂多几餐就更好嘞)#同我影都未试过两个一齐望镜头呀#今日两个月大喇」由于郑萃雯本身有对孖仔，当然可以过两招凑孖B技巧畀家谦啦！