鄧一君賣車仔麵 古天樂踩場合照

古天樂跟童星出身的鄧一君非常老友，二人當年在無綫合作《美味天王》、《烈火雄心》、《刑事偵緝檔案IV》、《尋秦記》等，即使一君於05年已退出娛樂圈，但二人仍兄弟情不變。
當年一君轉行做保險，據聞古仔幫他開齋做第一個客；最近一君在油麻地開一君士多賣車仔麵，之前仲話要搵古仔來試食，今日一君就在臉書貼上與古仔坐在舖頭前合照，搞到一眾網民好興奮，因為古仔昨日在其電影公司巡禮上，話搵原班人馬拍《尋秦記》電影版，大家都好想知一君會否參與，留言：「如果無佢，邊個送項少龍返古代？」