為護戀情遠處聽歌 楊洛婷晒愛的故事：我無嫁錯老公

楊洛婷（Rabee'a）與老公Dear Jane主音黃天翱（Tim）結婚5年，育有一個囡囡。兩公婆一向都非常甜蜜，不時於社交網站分享恩愛點滴。早前Dear Jan舉行一連兩場紅館演唱會，Rabee'a當然有現身支持，更高舉「I love 老公的燈牌。」

Rabee'a在社交網站分享兩人的第一張合照，她指當年Dear Jane在赤柱表演，但由於擔心被人看到，她只能坐得很遠聽他們唱歌，連合照都要她等到音樂會先可以影。

Rabee'a還直呼沒有嫁錯老公，認真好甜蜜，「其實佢哋每首歌都會令我諗起我同佢人生唔同階段，我自己最鍾意嘅就係Howie寫畀我哋首#草戒指，雖然今次演唱會冇唱到，但係我會經常聽，因為每次聽到呢首歌，我就好肯定佢嘅堅持係冇錯！而我梗係冇嫁錯老公啦！！」