獲最具魅力男演員 古仔: 覺得自己好靚仔應該有精神病

古天樂、Angelababy（楊穎）、林家棟等出席《香港專業電影攝影學會31週年晚會》，當晚古天樂及Angelababy獲頒「攝影師眼中最具魅力男、女演員」獎項，「最佳年度大獎」則由「無雙」的關智耀奪得。

對於獲獎，古仔表示好開心，多謝學會頒發此獎給他，但自己不敢講自己最有魅力。過去1年在電影上獲得好多獎，他又認為有魅力與否不是講一個人，而是一個團隊。他在6、7年前曾想過做導演，但從前輩口中得知，電影是以鏡頭講故事，若要做導演，相信要拋下演員的工作才可去進修。問到會否在10年後做導演？他說：「沒有這個計劃，不過將來電影世界有別於現在的製作模式，會配合不同的新科技。」

他又笑言覺得自己最有魅力的時候是在家中，因為無人看見，說什麼也可以。當笑問他可會照鏡時覺得自己好靚仔？他說：「嘩！覺得自己好靚仔，應該有精神病要睇醫生食藥，我講自己咋！但我麻麻地照鏡，屋企都好少鏡，平時拍戲睇playback都成日睇到自己。」對於心目中認為那位演員最有魅力，古仔坦言通過一部電影睇到對方演繹角色所散發的魅力，好少去睇一個人。他說：「如果要我講，『黑武士』最有魅力，不過見唔到樣。」

Angelababy則坦言獲獎很榮幸，但問到照鏡時會否覺得自己有魅力，而有偶像包袱？她笑言有少少包袱，亦很喜歡攝影，因為有小孩後，平時影好多短片，又笑謂毋需問她是否想做導演，因為覺得要做好演員先。

林家棟則透露下月將出發到雲南為新戲準備，戲中扮演國內人要穿州過省，今次所有對手也是內地演員，所以導演想他學好普通話，4月才正式開拍。他又指，另一部電影邀請他扮演馬來西亞的跨性別人士，不過要視乎時間許可才能接拍，但覺得好激又有挑戰性。他說：「嚟緊有樣野仲有大壓力，因為有部戲自己監製，想搵一個好專重的前輩做主角，我要用「跪地功」請佢，劇本籌備了4年，題材係關懷老人。」