自詡正職係拍廣告 張智霖身材未夠好拒代言底褲

張智霖（Chilam）出席商場活動，笑言其正職是拍廣告，每年都有十多個，已蟬聯數屆「廣告天王」。問到是否年年加價？他說：「都要嘅！始終物價也上升。可能我腳頭不錯，用我的老闆們真的生意不俗。（最想拍哪類型廣告？）好多種類都拍過，真的想不到。（靚車？）最近洽談中啦！」笑問避孕套廣告會否考慮？Chilam笑說：「不ok呀！找我的產品都是合家歡，那些太敏感了。（代言底褲呢？）嘩！我身材未夠好喎！（不夠雄風？）冇喇！哈哈！留給身材好的藝人拍啦！」

雖然抗拒露肉，但Chilam表示自從擔任了薛家燕演唱會嘉賓後，開拓了「母子檔」商機，繼早前為政府拍攝換身份證廣告後，最近二人又為長者奶粉拍廣告。笑問會否與家燕姐上契？他笑說：「要睇有冇緣份，不能借訪問逼人家呢，要情投意合呢！（家燕姐好少契人㗎。）實不相瞞，我都未契過給別人㗎。」（攝影：彭形影）