維港會：港客住外國旅館沖涼唔知熱水掣 投訴職員唔提醒惹討論

去外國旅行當然要有基本的生活技能，但有於外國旅館打工的港人就大呻每日都見到港人麻煩客。

有於外國旅館打工的港人在facebook「西客之道 HIspitality Secret」專頁投搞，指自己「遇過嘅香港X客日日新鮮」。投搞人分享了三個遇到的麻煩客人的經歷，第一個客人問投搞人：「洗衣粉要另外加架咩？洗衣機裡面唔係已經有洗衣粉喺入面咩？」一聽到問題，投稿人已經非常困惑（黑人問號），但仍然耐心向客人解釋他們的洗衣機沒有內置洗衣粉，他回答客人：「我哋部機無呢個功能。」但客人表示自己不知要落多少分量的洗衣粉，竟然直接叫投搞人幫忙洗。

投稿人又分享第二個無奈的經歷，他指有客人曾指「想幫我個仔喺呢邊搵學校，你老闆本地人，叫佢幫我搵下邊間最好，比較埋價錢話我知！」投稿人大感無奈，在帖文中留言：「呢位客人，要不要幫你揀埋山墳落葬」

投稿人接著分享第三個經歷，他指有客人問「點解我沖涼無熱水？」，投稿人解釋浴室有熱水掣，指對方可能沒有開啟熱水掣。但客人竟然自稱「我點知熱水掣喺邊啫！」於是投稿人就回答：「熱水掣咪喺凍水掣隔離囉！」但麻煩客人竟然指責投稿人不早點說熱水掣的位置，「咁我都沖完啦！而家先講！」這句話激怒了投稿人，他留言：「我心諗：咁你沖緊嗰時應該即刻沖出嚟問囉！」

網民的留言幾乎全都是一面倒批評麻煩客是「白痴」，紛紛留言「我覺得呢個已經唔係X客，係智障」、「基本生活常識都無就唔好學人岀國啦」，不過亦有人指「最後似老作」，質疑是否真實。