搭的士遇司機裝鏡仔𥄫裙底 鄧月平鬧爆的哥：變態黐線佬

搭車要留神！擁有36F驕人身材、向來是「宅男女神」的鄧月平（Larine）今日分享搭的士不快經歷，指的士司機「瘋狂裝我裙底」，最後要坐在司機座位後方避開，更打算叫司機轉道去警署報案。

鄧月平在IG Story上載乘搭的士時的照片，指司機偷窺她，並質疑對方額外加裝「倒後鏡」，是用來「𥄫裙底」：「我係咪應該轉道去差館，個司機瘋狂裝（偷看）我裙底，拍片又錄唔到，但會嘗試再拍，全程龜速無車都Keep住慢駛，黐線好恐怖裝鏡仔𥄫裙底。」

鄧月平隨後坐到司機位後面，繼續鬧爆的士司機「黐線佬」，「變態的士司機，我畀完錢落車佢仲要停喺度，我唔行佢唔行，等我行，再口噏噏鬧我，知道我發現佢裝裙底。」她最後再上載照片，稱轉乘港鐵相信較為安全。