森美獲麥美恩嘟嘴慶生都愁爆 壽星公：真係有福啦！

今日（3日）是森美45歲正日生日，除了與父母慶祝之外，其主持、司儀拍檔、經常在鏡頭前跟他鬥嘴的麥美恩（Mayanne），昨（2日）在活動後亦率先與壽星仔慶生。森美在社交平台分享兩人合照並留言：「預祝生日，真係有福啦！佢同我慶生，行運啦！」

相中可見，兩人一齊捧着蛋糕，Mayanne貫徹其搞鬼本色，瞇起雙眼、嘟着嘴，靠在森美膊頭上，並擺出一副「冧豬」樣。至於森美亦繼續擺出不太受落的表情，皺着眉頭一臉無奈般。不過，心水清的網民就踢爆森美「扮嘢」，「你其實想正日佢同你慶祝嘅」、「開心到唔知畀咩反應」、「大哥，你又扮唔享受」，另有不少網民都笑指森美好幸福，「直頭行運一條龍呀，森美大哥」。