董敏莉成功餵人奶勁感動 母愛力量克服換屎片

董敏莉（Monie）早前開刀誕下愛女子子，並於早前出院接囡囡回家。Monie坦言成功餵人奶感動到想喊，初嚐做人阿媽感覺，說：「頭幾日試餵人奶都唔係好成功，但昨日開始有，嗰一刻直頭想喊出黎！（感受到做媽咪未？）依家開始有點習慣，因為以前我好怕屎尿之類物體，但幫個女換片真係唔同，好有成功感，呢啲係母愛嘅力量啊！」

Monie沒有請工人或者陪月，暫當全職媽咪湊女，說：「我哋呢啲新手媽咪真係驚，最難真係掃風，要好好研究一吓。呢幾日好多朋友都嚟探子子，長輩們都好錫佢，一出世已經收好多衫同利是。」

Monie產後出現腳腫情況，亦因要照顧囡囡停工。她說：「我依家當佢係公仔，之前買咗好多衫畀佢着，我喺屋企冇嘢做可以幫佢扮靚。今年過聖誕節就好開心，多咗子子陪我過。工作方面暫時都未有復工時間表，我都同電台同事講要新年後先復工，因為真係唔捨得離開個女。」