維港會: 買煙「唔要爛腳」加一元 煙盒圖示嚇怕煙民？

全港香煙煙盒今年6月起均已換上一系列「重口味」新裝，包括有靈堂、爛腳、喉嚨開洞等恐怖忠告圖示，當時引起社會熱議，稱政府此舉太過火。然而此政策似乎「有成效」，真的有煙民被圖示嚇親。

有網民在小心駕駛(討論別人駕駛態度)Facebook群組上傳照片，顯示有零售商貼出公告注明：「買煙指明唔要爛腳，收費一元。你有要求，我有要求。」似乎有煙民介意「爛腳」圖示的煙盒，買煙都要揀下款，造成店主不便或「爛腳」款滯銷。

不過有網民留言「解畫」，指煙民「唔要爛腳」意思是賭徒最忌輸錢輸到損手爛腳。看來政府可以考慮以諗多啲「唔老黎」俗語作為控煙宣傳方向。