【金馬55】泛淚奪男配 袁富華入行30年：我好鍾意演戲

袁富華當演員30年，在電影《翠絲》演出亁旦「打鈴哥」的他，首次提名金馬男配角更勇奪獎項。激動泛淚的他上台拿過獎項後，心情仍未平復，感言：「緊張咗成個月啦，終於塵埃落定，都冇諗過有咁嘅結果，因為從來做演員領略到諗個因唔好諗個果，唔係就做得唔開心，個因就係我好鍾意演戲，所以堅持咗30年。好多謝金馬獎評委對我嘅肯定，唔止肯定我值得攞呢個獎，亦肯定我廿幾年前繼續做演員嘅決定係冇錯嘅。」

袁富華直言攞獎似發夢：「喺香港做咁多年舞台劇演員，只係攞過一次舞台劇男配角獎，提名男主角都好多次，每次都係同個獎擦身而過，我承認冇乜獎命。紅姐（惠英紅）成日都提我唔好咁緊張，對住金馬獎唔緊張就呃你嘅。都好多謝天下一公司，對支持我哋呢啲名不經傳嘅演員真係不遺餘力。」

至於慶祝活動，袁富華表示回港後仍要排練舞台劇，未有想法，「攞咗呢個獎更加要專注工作，做更好嘅角色，要再畀心機，希望返到香港再慢慢安排。」