生日歎老公愛心早餐 岑麗香下月遊夏威夷勤造人

陳豪及岑麗香為藝術館擔任開幕禮嘉賓，今日是香香34歲正日生日，於工作中度過的她感到非常滿足，因為可以開早收早。她笑說：「今朝老公煮咗早餐畀我，係牛油果炒蛋。之後同事上嚟幫我set up出活動，仲有surprise蛋糕，已經好開心、好滿足。」問到晚上可會跟丈夫強強過二人世界？她稱：「睇吓點啦！睇吓電視或者落街散步都好，我無咩要求。」

香香提到下月將會到夏威夷旅行，算是實現生日願望，她謂：「仲要係減價機票，正啊。」問到強強可會有驚喜送給她？她直言：「之前會多啲，唔係埋怨啊，知道佢會有驚喜，已經好開心。（夏威夷之旅可會努力造人？）都係朝著呢個方向嘅，我會努力。」