開音樂會擺「熱狗」坐陣 許廷鏗操肌明年登紅館

許廷鏗於尖沙咀舉行《停半分鐘限定音樂會》，吸引到過百歌迷及途人欣賞。許廷鏗先後唱出多首耳熟能詳的廣東歌，包括《K歌之王》及《逃避你》等，繼而邀請到歌曲《停半分鐘聽一闋歌》填詞人繆浩昌（6號）@RubberBand同台合唱。

許廷鏗盼令繁忙的香港人停下「半分鐘」，希望大家多多支持香港音樂。約1小時的音樂會結束後，眼紅紅的許廷鏗感言音樂會確實籌備需時，不管是身後的「熱狗」巴士、帶病撐場的6號及天公做美，都令他相當感恩。他說：「呢架『熱狗』都係噚日先確實嚟到，呢架巴士已經絕版。好想同大家講，有啲嘢無咗就無，唔希望有一日歌手會唔再出碟。」

許廷鏗亦宣傳明年3月會首踏紅館，暫演1場騷，為此努力操肌。問到可會性感演出？他笑說：「我OK嘅，不過要睇觀眾意慾如何。」