維港會:中大櫻花反常 10月再度開花

氣候變化，令櫻花都無所適從？前新聞主播、現於中大任職嘅張宏艷，在facebook上載圖片，稱喺中大新亞書院知行樓對開草坪見到櫻樹開花，以往櫻樹通係3、4月春天才開花。
另外，前特首梁振英亦喺社交網站發相，話喺山頂家中嘅櫻花最近開花，係今年第二次！
天文台前台長林超英，一向關注自然生態嘅佢話，聽過一個理論，或可解釋深秋櫻花盛放嘅現像。原來櫻花樹葉有一種物質，可抑壓櫻花生長，但啲樹葉早前被「山竹」吹走晒，加上深秋同春天日照時間同溫度都幾相似，所以櫻花就錯誤以為到了開花季節，出現咗罕見嘅二度開花奇景。