黃大仙野豬噬傷晨運客 被襲老翁：好彩咋差點被咬死

黃大仙今晨發生野豬傷人案，先後向3名途人施襲，其中一名女子遭咬傷手及腳，血流如注，兩名老翁亦被撞倒，其中一人頭部受傷送院。至於涉事野豬傷人後逃去無蹤。

其中一名被野豬襲擊受傷的老翁陳伯(79歲)，事後送往聯合醫院治療，他指目前已打破傷風針，未可縫針，護士已為他清洗傷口。他指以往未見過有野豬出沒，懷疑是山上「無嘢食」，落山搵食。

陳伯指，事發時他在附近晨運，聽到晨運客突然說「有隻野豬呀」，當時他不意，突然有一隻野豬衝來，「好大力，畀佢（野豬）撞親，成個跌落地，仲咬我大腿，好犀利呀，啱啱議員助理行過，佢攞住架生去做嘢，嚇佢（野豬）先走，好彩咋，唔係真係咬死都有份！」