多隻野豬西貢闖蕩唔怕人 村民：十幾隻嚟搶嘢食

西貢西沙路輋下村昨日晚上有野豬襲擊市民。記者下午重返現場，見到4、5隻野豬在附近草地徘徊，其後走入叢林。

昨晚10時許，一群大小約4隻的野豬出沒在輋下村附近垃圾站覓食時，有野豬懷疑受驚衝向38歲男途人並咬傷其小腿，同行女友人報警，並開車將其男傷者送往大埔那打素醫院求診。警員接報後到場發現一隻野豬在場，立即通知漁護署人員捕捉，但其後野豬已不見蹤影。

村民竹先生透露，附近好多大野豬，夜晚就出來。他目睹過，大的野豬可以有整個人這麽高，見過2隻大野豬帶同子女出沒，「成家人出嚟」。

村民盧先生指，已經向漁護署投訴過好多次，認為情況不健康，「8月已經投訴，遲早撞到人」。自己知道最少發生2宗傷人個案，1年前發生過1單，昨晚的一宗事主「攞車時（野豬）衝埋嚟，衝到佢定咬到佢都唔知道。傷到腳，都幾深下。」他又指，漁護署「叻過我哋喇點處理...只不過條路係村民經常出入嘅路嚟...（野豬）遲早會咬人架。」。他又指當局一定要正視，「十幾隻野豬嚟搶嘢食，你（村民）解決唔到佢架」，不處理的話「今次咬傷人下次又咬傷人」。他直言，「唔相信圍捕野豬咁困難囉。我哋日日都見到佢（野豬），你（漁護署）打鑼打鼓梗係見唔到佢喇」。

現場垃圾站掛有有橫額，呼籲市民不要餵食野豬以及野生動物，以免大量繁殖、構成衛生問題、失去覓食本能及造成交通意外。

建立時間：1738
更新時間：1818