傷腳照開工陪唔到老婆慶生 森美獲教路送小禮物氹返

森美被黃翠如爆日前拍新劇《過街英雄》動作戲時扭傷腳踝，又紅又腫，故今日森美一拐一拐到外景拍攝場，他卻謂沒有大礙。他說：「場戲係由一部Van咁高跳落嚟，拍咗好幾次都無事，點知落地踩中墊與墊之間個位，我聽到啪一聲，都怕傷到十字韌帶，之後睇醫生話係腳踭筋膜撕裂。當時好痛好痛，但做咗一樣好型嘅嘢，就係問導演個鏡頭用唔用得。人地3樓跳落嚟，我就一部Van仔！」
提到翠如又大爆他拍攝動作戲時自薦加動作，森美說：「就咁捉住一個人，咁不如加個撥手、擒拿手，好睇啲嘛！好似今日係我太太生日，拍完外景今晚仲要廠景，咁就同唔到太太慶祝。既然犧牲咗時間，不如做好佢。」森美謂老婆沒投訴，不過翠如早就教路叫他買禮物給老婆慶生，他日前已將小禮物送給老婆。他說：「無買好多年㗎喇，翠如話太太生日要開工，就要買禮物。」（攝影：鄧國良）