被泥石活埋成朝早 黃翠如最驚紅火蟻咬人

黃翠如為新劇《過街英雄》到錦田太陽谷拍攝外景，劇情講述翠如、吳嘉儀及唐嘉麟被泥石活埋，翠如透露於坑內拍了整個早上，由鏟泥車將泥石推到他們身上，再由工作人員親手將泥撥到他們臉上。

對於坑內環境惡劣，弱質纖纖的翠如原來不怕小昆蟲，提到坑內有蜘蛛及飛曱甴都毫不動容，她說見到有大量跳虱跳來跳去，弄得全身痕癢，並謂：「其實大家最擔心係紅火蟻，因為之前都有工作人員咬傷晒。」
這劇去了很多古裝外景場地拍攝，幕後工作人員均對翠如照顧有加。她說：「之前黃雨去天外天拍外景，佢哋會特別照顧、扶住我。但係佢哋啲機器好重，仲要爬上爬落，其實係好危險。」談到她跟幕後工作人員關係非常好，她說：「係啊！我見佢哋多過見屋企人，一齊捱通宵、過節，我哋係一家人。今日呢個攝影師救咗我好多次，係我恩人，因為佢知我容易受傷，會幫我試晒位，先叫我埋位。」（攝影：鄧國良）