男友賭波輸身家求女友預支結婚禮金 網民：仍諗住嫁畀佢真係祝你好運

電視宣傳片有教：「沉迷賭博，等於倒錢入海！」有網民亦指其男友有賭錢習慣，近日更因賭波「輸晒身家」。由於兩人正籌備婚禮，樓主呻「Dream wedding」已幻滅，但男友更要求先代為支付結婚禮金，隨後會還錢給她。樓主直言很愛男友，故此大為煩惱，問應否幫他。不少網民都認為「賭仔嫁唔過」，亦有人建議先押後婚期，等男友戒賭後，儲夠錢再結婚。
有網民昨在討論區發帖，題為「男朋友賭輸波叫我幫佢出住禮金先，幫唔幫佢好？」。樓主表示，男友向來有賭博習慣，最近又迷上賭英超，上周聽朋友貼士後，更「All in」賭波，結果「對家贏咗，搞到佢輸晒身家。」
樓主說，本身與男友正籌備婚禮，如今他賭波輸了，「咩錢都無晒，之前諗好晒果啲Dream wedding都無埋，真係諗起都好失望」。詎料樓主低處未算低，其男友更問她可否先代為支付禮金，「佢話唔想令我失望，想婚禮如期進行，之後佢會還返錢畀我」。樓主猶豫應否幫忙，「要我借錢畀佢嚟結婚用，好似貼埋大床咁結婚，又驚佢有一次就有第二次，下次再賭輸波都唔知點算」。
帖文引起不少網民留言，大部分都建議樓主分手，「你唔走，你就真係All in啦」、「如果你仍然諗住嫁畀佢真係祝你好運」、「借得一次一定有下次，借錢比賭仔只會害了佢」，亦有網民指輸禮金事小，「如果日日輸奶粉錢丶家用開支水電煤食飯錢、租金或供樓錢等等先大鑊」。
不過，有網民亦體諒樓主不捨，「如果你真係愛佢，你哋應該押後婚期，等佢戒好賭，自己儲夠錢再結婚」、「夫妻本為一體，江湖都要救急，......，樓主一邊愛佢但早已小心眼怕蝕底，這又是甚麼態度？」