男友赌波输身家求女友预支结婚礼金 网民：仍谂住嫁畀佢真系祝你好运

电视宣传片有教：「沉迷赌博，等于倒钱入海！」有网民亦指其男友有赌钱习惯，近日更因赌波「输晒身家」。由于两人正筹备婚礼，楼主呻「Dream wedding」已幻灭，但男友更要求先代为支付结婚礼金，随后会还钱给她。楼主直言很爱男友，故此大为烦恼，问应否帮他。不少网民都认为「赌仔嫁唔过」，亦有人建议先押后婚期，等男友戒赌后，储够钱再结婚。
有网民昨在讨论区发帖，题为「男朋友赌输波叫我帮佢出住礼金先，帮唔帮佢好？」。楼主表示，男友向来有赌博习惯，最近又迷上赌英超，上周听朋友贴士后，更「All in」赌波，结果「对家赢咗，搞到佢输晒身家。」
楼主说，本身与男友正筹备婚礼，如今他赌波输了，「咩钱都无晒，之前谂好晒果啲Dream wedding都无埋，真系谂起都好失望」。讵料楼主低处未算低，其男友更问她可否先代为支付礼金，「佢话唔想令我失望，想婚礼如期进行，之后佢会还返钱畀我」。楼主犹豫应否帮忙，「要我借钱畀佢嚟结婚用，好似贴埋大床咁结婚，又惊佢有一次就有第二次，下次再赌输波都唔知点算」。
帖文引起不少网民留言，大部分都建议楼主分手，「你唔走，你就真系All in啦」、「如果你仍然谂住嫁畀佢真系祝你好运」、「借得一次一定有下次，借钱比赌仔只会害了佢」，亦有网民指输礼金事小，「如果日日输奶粉钱丶家用开支水电煤食饭钱、租金或供楼钱等等先大镬」。
不过，有网民亦体谅楼主不舍，「如果你真系爱佢，你哋应该押后婚期，等佢戒好赌，自己储够钱再结婚」、「夫妻本为一体，江湖都要救急，......，楼主一边爱佢但早已小心眼怕蚀底，这又是甚么态度？」