不滿小息時間被老師佔用教書 學生fb抱怨：教唔完係你嘅問題

小息是學生們短暫的休息放鬆時間，但隨著教程越漸緊湊，老師少不免要佔用學生的小息和午膳時間教學，惟有學生極為不滿，在社交網站facebook大呻「教唔切應該係自己嘅問題，點解連我哋嗰少少時間都要霸佔咗」。

有學生在「名校Secrets」投稿，字裏行間透過著滿滿的怨氣，「超唔鍾意啲老師上堂自動波講廢話，之後搞到教唔切書，仲要拎我哋嗰15分鐘嘅小息去教堂。一日上咗咁多堂有少少嘅15分鐘小息，可以休息下。但啲老師好鬼鍾意拎埋嗰少少休息時間去教書。教唔切應該係自己嘅問題，點解連我哋嗰少少時間都要霸佔咗。」

貼文吸引不少人讚好，有網民留言稱「我想講老師會有空堂，佢哋有冇小息其實冇咩分別」、「我學校第一個小息得五分鐘」、「對，最討厭這樣的老師了」、「一次半次唔緊要，但係次次都係咁就好過份囉」；不過亦有人認為老師是為學生好，「對我來講咁嘅老師先係好，有啲老師係唔會咁」、「你可能會埋怨自己冇咗個小息，但係同時老師都犧牲咗自己的小息去教你哋，總好過教唔切就唔教，學少咗，最後咪又係學生蝕底」。