《一千個願意》講嘉穎等天使出現 陳凱琳：特別Sweet

陳凱琳（Grace）正式成為鄭太，今日在峇里行禮嫁給鄭嘉穎的她，分享出嫁心情，說：「今朝斟茶儀式前有啲擔心，因為我完全唔知有啲咩禮儀要做，佢哋同我講話你最好喺間房度，嘉穎陣間入嚟佢就要接新娘會難為佢少少，可能要佢畀啲誠意誠意，咁我都未諗到成個過程會點，但真係佢一到門口我就即刻有啲毛管戙好緊張，我見到佢嘅，咁我聽到其他人又話畀啲誠意嚟睇吓先啦，不停喺度冇人幫佢啦，呢吓好好笑！」

Grace續說：「咁我就無啦啦諗到，不如叫佢唱兩句歌畀我聽，佢首歌叫《一千個願意》，就係佢自己唱片裏面一首歌，咁點解我要叫佢唱呢首歌呢？因為佢有次唱卡啦OK時唱呢首歌，我就覺得啲歌詞同我好貼切呀，佢係講等緊一個天使出現咁樣，所以我聽到時會覺得係特別Sweet，所以佢即刻都明我意思，咁即刻唱咗兩句，佢真係呢個真係叫誠意囉對我嚟講，所以嗰Part係好窩心。咁之後再斟茶，好感動，因為雙方嘅父母，家姐，所以覺得個感覺真係好溫馨，中國人我好鍾意就係呢個傳統習俗，你做完之後真係會覺得入咗呢個家庭。」