《一千个愿意》讲嘉颖等天使出现 陈凯琳：特别Sweet

陈凯琳（Grace）正式成为郑太，今日在峇里行礼嫁给郑嘉颖的她，分享出嫁心情，说：「今朝斟茶仪式前有啲担心，因为我完全唔知有啲咩礼仪要做，佢哋同我讲话你最好喺间房度，嘉颖阵间入嚟佢就要接新娘会难为佢少少，可能要佢畀啲诚意诚意，咁我都未谂到成个过程会点，但真系佢一到门口我就即刻有啲毛管戙好紧张，我见到佢嘅，咁我听到其他人又话畀啲诚意嚟睇吓先啦，不停喺度冇人帮佢啦，呢吓好好笑！」

Grace续说：「咁我就无啦啦谂到，不如叫佢唱两句歌畀我听，佢首歌叫《一千个愿意》，就系佢自己唱片里面一首歌，咁点解我要叫佢唱呢首歌呢？因为佢有次唱卡啦OK时唱呢首歌，我就觉得啲歌词同我好贴切呀，佢系讲等紧一个天使出现咁样，所以我听到时会觉得系特别Sweet，所以佢即刻都明我意思，咁即刻唱咗两句，佢真系呢个真系叫诚意罗对我嚟讲，所以嗰Part系好窝心。咁之后再斟茶，好感动，因为双方嘅父母，家姐，所以觉得个感觉真系好温馨，中国人我好锺意就系呢个传统习俗，你做完之后真系会觉得入咗呢个家庭。」