鄭嘉穎：見Grace行入教堂我忍唔住流馬尿

鄭嘉穎今日在峇里迎娶拍拖3年多的陳凱琳（Grace），他說非常感動，尤其見到Grace行入教堂的一刻，帶笑遮醜自爆感動到落淚，說：「喺呢度好多謝每位參加我哋婚禮嘅朋友遠道而嚟，其實喺4、5個月前已通知佢哋，因為有啲要度期有啲工作關係，亦有好多百忙中抽空嚟見證我哋嘅婚禮。今日係感動嘅，我見Grace行入教堂我亦都忍唔住…都流咗兩滴馬尿（笑）。亦好感觸大家講咗好多真心話，我覺得我哋嘅婚禮比其他婚禮唔同，有一段除講好official嗰啲嘢外，我哋自己都講一段心目中對對方嘅感覺，呢一段我哋兩個都好感動。」

最後嘉穎多謝大家祝福，希望大家明白他們想一切從簡而隆重，所以之前唔通知大家。