模仿力超強！孫慧雪囝囝學媽咪賣萌

藝人孫慧雪(雪雪)與圈外人男友羅天彥婚後育有一子Riley，一家三口生活相當美滿。升呢做媽咪之後，雪雪的囝囝Riley就成為了她社交網上的主角，她經常都會甫囝囝的靚相上網，所以Riley都累積了唔少粉絲㗎！近日雪雪又甫了囝囝的得意相上網，相中Riley著上一套《壞蛋獎門人》中「Minions」的制服，非常可愛。雪雪留言中話發現囝囝的模仿能力超強：「我發現咗BB嘅天賦才能係佢嘅模仿能力，我做咩佢就會跟住做，第一張，我叫佢一齊扮cute呀～佢即係(刻)做！第二、三張變臉前後無(冇)2秒！仲扮埋我單眼，之後同影加映，佢收到電話：『喂！喂！我講電話，你等等先！』都係扮緊我！我真係唔可以亂來😅 #Riley真係好鍾意媽媽」可能Riley遺傳了媽咪的演藝細胞，所以表情咁豐富。長大後，或者可以跟媽咪一樣，做一個出色的演員喎！