帶囝囝玩泥漿 孫慧雪：玩得好開心呀！

藝人孫慧雪婚後與老公誕下囝囝Riley，一家三口生活美滿。有仔萬事足的阿雪，現在幾乎將全部時間心機放在囝囝身上，並減少了幕前的演出。身為廿四孝媽咪的她，最近就帶Riley去咗玩泥漿，等Riley可以做吓運動之餘又可以識吓朋友仔！

阿雪在社交網上載了幾張囝囝玩泥漿的得意相，並留言話：「玩得好開心呀！泥漿摔角咁 12.4.2018」相中見到一班小朋友在充氣水池裡玩泥漿，其他小朋友玩得好開心的時候，Riley卻眼定定咁望向前方，好似若有所思咁。玩完泥漿後，一班小朋友就玩紙碎，Riley更玩到一頭都係添！不過Riley依然擺出一副天然呆的表情，真係萌到爆燈！