再澄清唔係偉仔經理人 劉嘉玲自爆在家做打雜：佢係大老爺

劉嘉玲為宣傳舞台劇到電台接受鄭裕玲（嘟姐）節目訪問，內容以舞台劇為主，臨近尾聲嘟姐以不能劇透為由，借口說不如講嘉玲老公梁朝偉，並提到嘉玲當偉仔經理人一事，嘉玲再澄清：「我唔係佢經理人，佢同澤東合約到期，每份合約都有到期時候，暫時佢未搵到經理人嘅時候，我幫佢聯絡下啲人。（有嘢都要搵你傾？）暫時係。（要過你呢關？）唔使經我呢關，我都係Pass個Message畀佢，決定都係佢自己。」
問到會叫偉仔對戲？嘉玲稱不會，因為要投入角色才能對戲。嘟姐即笑謂：「你唔會叉住腰話佢聽咩？」嘉玲苦笑這是大家想像她在家的模樣，說：「我係好辛苦喺屋企，咩都做打雜咁樣，我要做晒屋企所有嘢，佢係大老爺，『喂，盞燈壞咗呀劉嘉玲！』，我又要去搞；『喂！個電視機點開呀？』，依家新科技佢又唔識，我寫晒啲字條畀佢。」