為新戲角色做準備 張繼聰搏命練拳晒成果

拍戲又好，拍劇又好，藝人張繼聰每次面對工作也是百份百認真搏到盡，這份專業精神真係好值得尊敬！明年2月他將開拍一套新戲，電影中阿聰將飾演一名拳手。雖然電影還有一段時間才開拍，但做事認真的阿聰已經開始練拳，更將自己練拳的短片放上社交網。他留言話：「努力練習，雖然仍然好水皮，不過師父(傅)話有少少進步，好開心，會繼續努力，電影開拍嘅時候，希望可以似個拳手。」雖然阿聰話自己水皮，不過片中見他身型明顯健碩了，揮拳時拳拳有力，閃避的動作亦做得似模似樣，相信他真係下咗一番苦工！有網友話他已經好像拳手了，更有網友封他做「港版史泰龍」添！