謝安琪囡囡1歲慶生 咬手指萌度爆表

謝安琪（Kay）同張繼聰細女張靖（Karina）1歲生日，一家大細，連埋屋企人一齊去主題樂園慶祝！妹妹張靖都仲係怕怕醜醜，望住鏡頭天然呆，不過同媽媽Kay一齊著上母女裝變身「粉紅雙嬌」，再戴住個粉紅色頭箍，真係萌度爆表。
妹妹一歲生日，全家出動之餘，仲有眼利嘅網民發現，連工人姐姐都一齊去，仲一齊入鏡影相，大讚佢哋一家人好，證明佢哋係好好先生太太。仲眼到一向活潑似足爸爸嘅仔仔張瞻都大個咗，高咗唔少，擺起POSE上嚟同張繼聰有得揮，當然年紀小小，係張繼聰胸肌同麒麟彎底下，細咗幾個碼。不過，張瞻都幾痴爸爸，入場前仲挽住佢手。
張靖就一直由媽媽抱住，影相個陣仲忍唔住不時咬手指，但被媽媽抱抱住，係和煦的陽光中，真係仙氣逼人，成個小公主咁。