麥雅緻呻生日被父親節「騎劫」 張頴康出招氹老婆

張頴康與老婆麥雅緻育有一對仔女，前日父親節一家人當然開心慶祝，不過麥雅緻的37歲生日撞正父親節，向老公撒嬌話生日被「騎劫」。識做的張頴康立即出招氹老婆開心，營造二人世界去睇戲，並在社交平台上載錫面珠相晒恩愛。

張頴康留言：「雖然佢係講笑，但係我見佢都有小小扁嘴！所以，今日乜都唔理，夜晚擺低啲細路畀公公同姐姐睇住，兩公婆出去拍吓拖，睇侏羅紀打恐龍！短短三個鐘之後，即刻笑返哂，仲容光煥發添！其實，女人真係要氹！就算結咗婚生咗小朋友更加要氹！老婆，生日快樂，我愛你，錫哂你！」冧到暈吖！