被萌爆囡囡融化 張繼聰：點抵擋呀？

張繼聰與謝安琪(Kay)育有一對仔女，一家四口生活美滿，令人非常羨慕！一向愛玩社交網的阿聰，經常都會上載家人的有趣事與網友分享，而他的囡囡張靖(Karina)出世後，Karina更成為了他社交網上的主角，就連網友都忍唔住封阿聰做「晒女狂魔」！

近日「晒女狂魔」又出動啦，阿聰甫咗幾張Karina陪著愛犬的照片。相中Karina用手仔摸狗狗個頭，又攬著狗狗，好似好老友咁，就連阿聰都忍唔住留言話：「有咩咁好傾呀兩位小姐？」之後阿聰又上載了一段短片，片中阿聰問囡囡要唔要嘢食，Karina就楚楚可憐咁不斷叫爸爸，阿聰實在抵擋唔住囡囡的萌爆樣子，所以請她食零食。囡囡咁可愛，試問身為父親的阿聰又點會唔給囡囡融化呢！難怪阿聰都留言話：「唉，你話吖，點抵擋呀？」