讚謝安琪出拳快狠準 張繼聰避唔到「中頭獎」

張繼聰以代言人身份出席茶餐廳集團舉辦的頒獎禮，談到太太謝安琪包到冚去跑步，他指太太現時好努力跟教練操練身形，以前會較少做運動，不過為了生小孩付出好大，但近幾個月見到對方不停做運動後身形愈來愈Fit，原本太太做訓練動作做得不夠好，後來他睇片還以為太太去當兵。他說：「以為她想拍超人片，我見她開始有腹肌，我介紹了自己的教練畀她，所以有時都會爭教練用，其實做運動不止為身形靚，依家見她體能變好不會似以前咁虛。」

張繼聰更透露為了拍新戲要練拳，亦買多對泰拳套畀太太一起練拳，更笑謂練習閃避時被太太打，那一刻好像重新認識太太。他笑謂：「點解佢係咁追住我個頭嚟打？吓吓都打中我個頭，快而準。我都問教練點解避唔到，佢話同老婆都係咁練習，老婆打老公係會脫胎換骨。」